ليه المسا عـوق الشقـاوي وطبّـه؟

ليه المسا عـوق الشقـاوي وطبّـه؟
وليه الهبوب تصحي القلب لا بـات؟

وليه القمر يدعـي جريـح المحبّـه؟
ويقول له يا هيه..ما فات ..ما مـات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالذات ريحـه.. وصبّـه
كنّه رسول بيـن الاحبـاب بالـذات؟

اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات

لا استانس الخافق ذكـر مـن يحبّـه
ورجع يراجع فالوناسـات مـا فـات

يا مرتـع القلـب الحزيـن ومربّـه
يزيين بك مثل الذهب صدر الابيـات

هيهات ينسى القلب شخـص ٍ لعبّـه
وهيات يدله خاطـري منـك هيهـات

سبك مديـح .. ومـدح غيـرك مسبّـه
تقول واذني صوتها تقول لـك هـات

ونبع الغـلا عنـدك وعنـدي مصبّـه
ومن الولا .. في خافقي لك ..ولاياات

وطيفك حطب عيني..وعينـي مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه
بين الضلوع اللـي فردهـا التنهـات

ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات

محبتـك فالوقـت ذا مــا تشـبّـه
الا بخيمـة بـدو بيـن العـمـارات

ان شفتني ضايق واهوجـس واسبّـه
اخاف غدر الوقت.. والوقـت دورات

لا تحسب ان دمعي نـزل دون سبّـه
ابكي من الفرقا وهـي مابعـد جـات

الـيـوم كــل امورنا..مستـتـبّـه
وبكره ماندري وش معه من مسـرّات

اربّ قلبـك مـثـل قلـبـي اربّــه
ما يخلفه كثـر العـذل.. والمسافـات

يسلمووووو مررررة حلووو Smile

رائــــــــــــــعه والله

ييعطيك العاافيه ياعسل ..

أميرة الأحساس كتب:: يسلمووووو مررررة حلووو

حياااك ياوجه الخير

نورتي Smile

الحين محتآجك كتب:: رائــــــــــــــعه والله

ييعطيك العاافيه ياعسل ..

الرائع حضوووركـ ,)وتراا في إحتمال يغنيها راششد الماجد<< بلاش إشاعات

حـٍيآأاأآاكـ

عدد المساهمات : 29 تاريخ التسجيل : 17/03/2010

رووعهـ
يسسلموو يآقمر
يآآريت رآآشد يغنيهآ هع ~>صدقت الاشآآعآت
..
أرق التح’ـآيآ

خخخخخخخخخ

ياعسسل لا تصدقين كل ماايكتب << إنقلعي :p

بس تصدقين يبالي اتصل ع رااشد واقوله الفكره << إتخيلي أكثر هع

مغسي ع المروور الحلو ياحلوه ..!

=))

زوريني دايمـن ,-*

..$ تصدقين ياعطموؤستي كنت ابي اقتبس بس من كثر ماهي حلوه إحترت .."

فديت الذوق "انا "

لا عاد بلى راشد بلى هم . .

لو يغنيها عبدالمجيد أحلى <<< tongue

مصدقه بقوه

يسلمو مرراااا Wink