طريقه عمل الكدش

سلام

كيفكم ياحلوين وحلوات تمام




طبعا كلكم تعرفوا الكدش وهل يخفى القمر
والي مايعرفوا انا اقولوا ايش يكون الكدش




تعريف الكدش : هو مخلوق يربى فوق الراس وياتي منه عده الوان حسب الطلب اسود بني اخضر ..الخ




طبعا ادا تبغى تربي كدش هناك شروط لازم تعملها وتسويها والي هيا :


اول شي لازم تكون فلاوي


وتكون ماتزعل من المزح يعني تتقبل المزح لانك راح تنحش كتييير







وثاني شيء ولازم ماتكون (مثقف)



وثالت شيء ماتلبس نظاره لانوا رح تمسك في كدشك وتتكسر ولازم نظاره جديده ودا الكلام ماينفع كل يوم حروح اشتري نظاره مايسير -_-





ورابع شيء لازم كل الامشاط والفرش وكل شي يمشط به الشعر يتكسر او يترمي لانوا مارح تحتاجها

فا ليه تخزن عندك اشياء مالها داعي

وطبعا اخيرا لازم يكون عندك اطواق للشعر لفصل الصيف عشان الجو (فيري هوت ) .




ومن وظائفه :


1-حمايه الراس من الصدمات الشمسيه والصقعات



2-ادا الام طلبت من ابنها يروح السوبر ماركت ولا اقرب بقاله عشان يشتريلها سلك نحاس بدل ماينزل

ويتعب نفسوا ممكن يستخدم قطعه


من الكدش سلك نحاس وبكدا يكون وفر على نفسوا الدهاب للسوبرماركت والحلاق




3-وكمان من فوائده انوا ممكن يكون بيت لبعض المخلوقات الحيه ((طبعا مافي داعي للاحراج وذكر الاسامي.




4-وادا كان عندك شي تخبيه ومنتا عارف فين ؟ ليه التفكير اقرب مكان كدشك



5-وكمان ادا كنت في طلعه شباب وكدا ونسيتوا المناديل وتبغى تمسح ايدك من اي شي افركها في الكدش وهوا يؤدي الوظيفه على اكمل وجهه .




نجي لطريقه التربيه


هنا المهم :.



لازم تتبع دا النظام الغدائي لمده اسبوعين


الفطور :


جبنه بيضه ( منتهي تاريخها من سنة)


وتشرب معاها شاهي بايت من امس حط ليمون عشان يقتل الجراثيم




الغداء:


ملخيه بالضفادع مع الرز وبعدها اشرب داناو ( موز برتقال وجزر ) حطه في كوب


ونجيب بيضه نيه ونفقعها فوقوا ونشربو ياسلام احلى طعم




العشاء :


تروح مطعم تكون سامع انوا سارت عندو حالات تسمم بالهبل وتاكل عندوا


وحلي بعدو بكيك بالشطه واشرب عصير البصل وعليه شويه ثوم (( للنكهه))

واخر الليل عشان الهلوسه اشرب بايسن منتهي تاريخه



وبالنسبه للاستحمام كل ربع ساعه عشان تفضل تمام اللفلفه والالتوائات والانحنائات حاسه اني اشرح درس جغرافيا




وجربوا اعملوا كدش وبعد اسبوعوين قولولي النتيجه


بالنسبه للي ما عجبوا الكدش


هادي طريقه التخلص منو


تجيب حق
العشب مادري ايش يسمو اظن الخنجر

وتدبح الكدش بالطريقه الاسلاميه


تحذييييييييييييييييييييير



لذوي الروؤس الصغيره نصيحه لاتسوي كدش لانو مارح تبان ملامح وجهك خير شر


وانتبه تجلس جمب واحد ياكل لبان لان الكدش سريع الجادبيه للبان زي ماقال نيوتن


وبس

ههههههههههههههههههههههههههههههههههههههههههههههههههههههه
هههههههههههههههههههههههههههههههه
هههههههههههه
وربي موتيني ضحك الحمد الله كل الأسباب اليي تمنع تربيه الكدش عندي ههههههههههه تحيتي